මට නම් දැන් උබව දැකල එපා වෙලා

බිත්තියට දුක කියමින්
කොට්ටයට කදුලු හලමින්
සිතල හුස්මෙන් කාමරය සීතල කරපු
මගේ දැතට නුඹ අවිදින්
රැදිලා ඇගිලි අතර ඉන්නකොට
ඒ දැකපු ඇස් දෙකෙ රැදුනු ප්‍රිතිය
මුවගෙ රැදුනු සිනහ උඹ දන්නවද...

උබෙ ගාම්බිර මූන දිහා බලාන
මම සතුටු උනු හැටි...

ඇගිලි නවමින් එහාට මෙහාට කර
හරි ගානට බෙදා ගොඩවල් ගසා
තව කොච්චරක් ඔනද කියල
හිතද්දි ආයෙත් හිතට ආපු දුක උඹ දන්නවද..

අනේ මටනම් දැන් උබව දැකල එපා වෙලා
ෆ්‍රැන්ක්ලින්
ඒත් මදිපාඩුවට මම ඉන්නම් උඹ ආයෙත්
මගෙ දැතට එනකන්
ඒ ඩොලර් කොලෙ ඉන්න උඹව බලන්න නෙමෙ ෆ්‍රැන්ක්ලින්
අඩුපාඩුව හදාගෙන හිතේ බර අඩුකරගෙන ලන්කාවට යන්න
එතකන් උඹෙ සිනා මට වටි ෆ්‍රැන්ක්ලින්