Tuesday, September 20, 2011

කරුමෙ" දැම්ම බරේ නිසයි

කෙමෙස්ට්‍රි ක්ලාස් හොරෙන් ගිහින්
ක්ලාස් ෆිස් ඉතුරු කරන්
බාර් එකක් ලගට ගිහින්
ගත්තු බාගෙ ඉනේ ගහන්

වඩේ දෙකයි පොල් කැල්ලයි
රුපියල් දහයකට අරන්
සොඩ අරන් සිලි බැගයට
දෙතුන් දෙනෙක් එක්ක ගිහින්

මාහා ගසක් සෙවන දුන්න
ගල්පොත්තක වාඩි වෙලා
පොලීසියෙන් එයිද කියලා
කටුස්සො වගේ බලමින්

කාබනිකද අකාබනික රසායනය ගැන කියමින්
නිව්ටන් ලගෙ ඕම් ලාගෙ නියම එහෙම මතක් කරන්
කලාස් ගියත් අද නොගියත් අවුලක් නැනෙ කියමින්
ගල් බෝතලේ ඉනෙන් අරන් චියර්ස් කියලා කඩලා
චුට්ට චුට්ට තොල ගා හැටි අනේ එදා අපි කට්ටිය

කැ ගහගෙන හූ කියාන සින්දු කීව අපෙ කට්ටිය
ගෙවල් වලට හොරන් ඇවිත් ජෝකි නැටුවෙ අපෙ කට්ටිය
හූ කියාන ගුටි ගහගෙන මට්ටු උනේ අපෙ කට්ටිය
ඇතුගල උඩ බීපු එදා කොහෙදො දැන් අපෙ කට්ටිය

"කරුමෙ" දැම්ම බරේ හින්දා
මාත් නැග්ගා ඇතුගලට එදා
අතීතයේ රස මුසු තැන්
ආයෙත් මතකෙට ආවා
ඒ මතකය මතකයක්ය
ආයෙත් කිසි දා නො එනා..................!

Thursday, September 8, 2011

වන්නියේ ඇත්තිට.........

එරන්දියේ නුඹට ගෙතුව ආදර මල්දම්
පලදවන්න කලින් මෙන්න පරවෙලා ගිහින්
වන්නියෙ අව්වට තැවෙනා රූපය මනරම්
පැහැය ගිහින් නැහැ නොවෙදෝ තාමත් රන්වන්

ගිනි අව්වට තඹ ගැහුනු කෙහෙරැලි මනරම්
අකීකරුව නුඹෙ හිසට දගලන සුලගේ
සිනා තෙපුල් සැළෙන ලෙසට නැළවෙන දැසයි
මගේ සිතට ගෙනත් දුන්නෙ ලියන්න කවිකම්

ටිකිරි සිනා ලග කෙනෙකුන් කියාද හිමිකම්
එහෙම නොවි තාමත් ඔබ ඉන්නෙද තනියෙන්
එහෙම උනොත් දෙන්නම් මා ඇරයුම මනරම්
පින්වන්තිය වෙනවද මට කියන්න හිමිකම්